De lêste siden foar it boek

Wiene jo foar Corona Freon fan Sult en hawwe jo it boek noch net? Stjoer ek as je net seker binne of ‘t je Freon binne, in mailtsje nei info@teatergroepsult.nl. Fierder is it boek te keap foar € 27,50 plus eventueel € 7,00 ferstjoerskosten, ek troch in mail nei boppesteande adres.

Achter yn it jubileumboek fan SULT binne in tal siden leech bleaun. Dêr moast fansels it ferhaal fan de lêste foarstelling Tiid fan libjen komme. Begjin dit jier, doe ‘t we mei it boek dwaande wiene, koene dy siden fansels noch net makke wurde.

We betochten dat we dizze siden… Lês fierder

Noch in kear?..

Noch in kear nei de foarstelling Tiid fan libjen of nei SULT?

Nee, dat slagget net. SULT is nei 25 jier definityf ophâlden. Gelokkich ha we de film noch. Mei meardere kamera’s hawwe we in professional de lêste foarstelling fêstlizze litten.

Wolst (nochris) sjen hoe ‘t Ytsje ferdwaalt yn ‘e tiid? Fia ûndersteande linken kinst de twa dielen besjen. Yn it skoft silst wol sels in bakje kofje sette moatte.
1e bedriuw
pauze
2e bedriuw

Resensje Sietse de Vries

Foar kranten skreau Sietse de Vries yn de ron fan de jierren ferskate resinsjes oer Sult. Troch in fersin fan ús kant is de lêste, totaal-resinsje fan Sult net yn it jubileumboek opnommen. Letter hawwe wy dat as losse bledsiden tafoege. Mochten jo dizze resinsje net by it boek krigen hawwe, dan kinne jo dizze hjir downloade.

It ein

Op sneon 9 septimber liet SULT foar de lêste kear it doek sakje, diene we definityf de ljochten út.

Us foarsitter Roelof Foppa skreau yn it programmaboekje oer 27 jier SULT en it beëinigjen it folgjende:

De tiid fan SULT

Der wie in tiid doe’t SULT der noch net wie, doe’t lokaasjeteater noch betocht wurde moast en it teaterlânskip yn Súdwest Fryslân skraal wie. SULT hat dêr foar altyd feroaring yn brocht, dêr’t we no en yn de takomst profyt fan hawwe.

Wat binne der yn sânentweintich jier SULT in grut tal unike en bysûndere teaterstikken mei-elkoar makke, yntinse mominten mei-inoar belibbe, nije… Lês fierder

Hoe begjinsto dyn wykein?

Yn de Ljouwerter Krante stiet op sneon de rubryk Hoe, wêr en mei wa begjinsto dyn wykein ?. SULT stie op sneon 2 septimber diskear sintraal ûnder de titel * LAATSTE KEER *. Lês it artikel hjir op ús webside.

Resinsjes

It Friesch Dagblad en de Leeuwarder Courant besochten juster ús lêste foarstelling “Tiid fan libjen”. Benijd wat se dêr oer te fertellen ha? Lês hjir de resinsjes: It Friesch Dagblad skreau oer de lêste foarstelling fan Sult dizze resinsje.. Yn de Leeuwarder Courant fan 1 septimber stiet dizze resinsje.

Kom ek sjen en bestel jo kaarten hjirre.

De kop is der ôf

Earjuster koene alle frijwilligers út de bouploech, de catering, de parkearwachten en neam mar op, de spilers fan SULT skitterjen sjen yn de try-out fan de lêste foarstelling Tiid fan libjen.

De premjêre fan juster fûn plak foar in hast útferkochte tribune. Yn de Balkster Courant stiet it ferhaal dat Pieter Stellingwerf, de oprjochter fan Sult, op de premjêrejûn it earste boek oer de skiednis fan SULT krijt.

Kom ek sjen en bestel jo kaarten hjirre.

Noch in pear dagen...

Noch efkes, fan kommende woansdei ôf is it tiid foar ‘Tiid fan libjen’.

It wie wer in hiele put, op in plak dêr ‘t neat is, binnen in pear wiken in teäter en in teäterfoarstelling út de grûn stampe. Op ús FaceBook-side kinst hjir alles oer lêze.

Mar we binne der klear foar, woansdei oansteande giet ” Tiid fan libjen ” yn Starum yn premjêre. Sjogge wy jo dêr ek?

De kostúms binne oankaam.

De toppers fan Atelier Bonnema hawwe in hiele put hân oan de produksje fan de klean foar Tiid fan libjen. Mei safolle ferskillende rollen moast der nochal wat yninoar set en naaid wurde. Guon klean binne ek nochris net bepaald lyts útfallen!

Kwa klean liket it yn alle gefallen al in bysûndere foarstelling te wurden. Sûnt hjoed ha we in oantal foto’s op de site set, mar we kinne fansels noch net alles ferklappe!

Op ûndersteande foto komme de kostúms oan by ús tydlike teäter en no kinne de spilers yn kostúm repetearje.

Op&Ut oer 'Tiid fan libjen'

Op sneontemoarn 19 augustus wiene Ytsje Hettinga, Jan Eekma en Bart van der Wal te gast by Omrop Fryslân yn it programma Op&Ut. Yn dit útgeans - en kultuerprogramma kinne je alle sneontemoarnen te witten komme, wat der de kommende tiid yn Fryslân op dat mêd te gebeuren stiet.

Ytsje, Jan en Bart fertelle hjir it ien en oar oer ús lêste foarstelling. As je benijd binne wêr ‘t ús lêste foarstelling oer giet, harkje hjir dan wat se dêr oer fertelle kinne.

It hiele ferhaal, wêr ‘t se ek oer de skiednis fan SULT fertelle, is hjir… Lês fierder

De klaaiing

Se hat al earder foar Sult de klaaiïng ûntwurpen. De prachtige kleurige kostúms fan Krang, yn Nijhuizum, of noch folle kleuriger klean mei útwrydske prûken by de Held en syn sokken yn Hylpen. By Redbad op it Súderstrân yn Starum hie se ek al sokke bysûndere, fleurige klean foar alle spilers en sjongers makke. We hawwe it fansels oer Dianne Bonnema.

De kostúms kinne we noch net sjen litte mar Dianne hat foardat se oan de gong gie mei it meitsjen, in oantal sketsen makke. Hoe as de spilers der straks echt út sjen sille? As de generale repetysje west hat, lichte we it tipke fan de sluier noch wat… Lês fierder

Sult brekt tinte ôf neffens LC

Yn de Ljouwerter Krante fan hjoed, freed 4 augustus stiet in wiidweidich ferhaal oer SULT, omdat we der mei útskaaie. Yn it stik lêze jo oer de skiednis fanôf de oprjochting no 27 jier lyn, oant no ta. It giet oer de bysûnder foarstellingen op nog bysûnderder plakken bytiden, de oprjochters, de spilers en noch folle mear.

Fansels giet it ek oer de foarstelling “Tiid fan libjen” dy ‘t ein dizze moanne al yn premjêre giet. Dit wurdt ús lêste foarstelling mar ek in teatraal ôfskied.

It artikel kin hjir as PDF iepen wurde op ús webside. Mar as jo abonnee… Lês fierder

Ôftraap

Ofrûne sneon hawwe de spilers fan Tiid fan libjen foar it earst repetearre op it plak dêr ‘t de foarstelling aanst spile wurde sil.

Nei ôfrin ha we hjir mei de spilers en alle oare meiwurkers, lykas muzikanten, sjongers, kleanûntwerpster, de bou - en pr-ploech de offisjele ôftraap fan dizze lêste foarstelling fan SULT dien. Pieter fertelde oer ’ Tiid fan libjen ‘, Dianne liet de foarstúdzjes fan de klean sjen en Bart liet syn komponearre muzyk hearre. Yn in folgjend berjocht mear oer klean en muzyk.

De kommende tiid wurkje we fierder om it stik ûnder de knibbel te krijen.… Lês fierder

Ynrochtsjen fan it terrein is starten

Tariedings foar Tiid fan libjen úteinset.
SULT hat foar eltse foarstelling altyd wer in nije bysûndere lokaasje socht. De iene keer is het een sletten tsiisfabriek wurden, dan een hiel doarp as Nijhuizum, of in âlde skipswerf sa as yn Hylpen. Dit jier fynt de foarstelling plak op it opslachterrein fan in oannimmer.

It is foar ús bouplouch hiel gewoan dat se earst it ien en oare opromje moatte, foardat se begjinne kinne mei it bouwen fan it spylflak en de tribunes. Dizze frijwilligers fan Sult binne it earste wykein fan juni útein setten mei it oars ynrjochtsjen fan it terrein… Lês fierder

Tiid fan libjen

Ein augustus komt teatergroep SULT mei de jubileumproduksje 25 jier SULT. In foarstelling dy ‘t spitigernôch ek de lêste wêze sil. Spesjaal dêrfoar is in stik skreaun mei de titel ‘Tiid fan libjen’, oer tiid en fergonklikens. Yn it stik wenje fjouwer fan de oprjochters fan de teatergroep mei-inoar yn in hûs dat in soad efterstallich ûnderhâld hat. De ôftakeling fan it gebou is synonym foar de ôftakeling fan de minske. In ferhaal mei in soad humor, tragyk en byldzjend sênes.

De kaartferkeap set 29 april útein.

Foarstelling 'It grutte swijen' ôfsein

Ferline jier soene we útkomme mei de foarstelling ‘It grutte swijen’, in aktiviteit yn it kader fan 75 jier befrijing. Troch it Koronafirus koe dat yn foarjier 2020 net troch gean. Der waard besletten om de foarstelling in jier op te skowen. Ek dat plan slagge net, troch it firus dat ús allegearre noch yn de greep hat. Oktober 2021 wie it nije plan.

Mei grutte spyt moatte we jimme no melde dat ek dit net trochgean sil. De lokaasjes dêr’t spile wurde soe, wiene keazen, just omdat se lyts en smûk binne. Sa ticht op inoar sitte, ek al… Lês fierder

It grutte swijen

De nije foarstelling, april 2020

Wat wie it in grut súkses, de foarstelling de Bûsedokter dy ’ t foarich jier novimber yn Koudum op ‘e planken, no ja, yn ’ e kas fan FleurigBuiten útfierd waard. In protte minsken koene genietsje fan dizze humorvolle foarstelling dy ‘t dy dochs ek wer oan it tinken sette. Tank oan eltsenien dy ’t der foar soarge hat, dat it in grut sukses waard.

Mar wy gean mei-iens troch! De folgjende foarstelling komt al earder as dat jimme fan ús wend binne. ” It grutte swijen ” sil spile wurde yn april 2020 en… Lês fierder

Teatergroep Sult presenteert (huis)artsenkoor ‘Wat scheelt er aan’