De sirkel is rûn
SULT is werom yn Starum (Stavoren). It plak dêr’t Pieter Stellingwerf ôfstudearre mei de foarstelling ‘Sartre yn Starum’. It begjin fan Súdwesthoeke Lokaasje Teater (SULT). De start fan in groep leafhawwers dy’t mei en tusken minsken op bysûndere lokaasjes yn de Súdwesthoeke teater meitsje woenen. Nei 27 jier en 20 lokaasjefoarstellings spylje wy no de lêste foarstelling yn Starum.

Fersliten en fergetten
It is 2033. De âld SULT-spilers wenje mei har allen yn ien hûs. De dagen folje se mei hottefylje en prate oer it ferline. It hûs is âld en hat in protte ûnderhâld nedich. It fersakket en de riolearring wurket net goed. It soe it bêste wêze om it hûs plat te skowen en de grûn ree te meitsjen foar nijbou. Dit is lykwols it lêste dat de SULT-ers wolle. Se fine dat se noch rjocht fan bestean hawwe en geane yn ferset. It kostet de nedige ynspanning om de âld SULT-ers ynsjen te litten dat der tsjinyn gean gjin doel hat. Harren tiid hat west. It is tiid om romte te jaan.

Bouterrein
It hûs fan SULT is in ruïne en it plak dêr’t it stiet is feroare yn in bouterrein. De foarstelling fynt plak bûten neist it spoar en by de bosk dêr’t de roeken harren nêst hawwe. Oerdei sjogge wy hottefyljende âlderein en nachts harren dreamen, in ûnechte wrâld dêr’t alles wer mooglik is. It stik bestiet út dialogen, sang, muzyk en teatrale ferfrjemding.

Vanôf 1 maaie is de kaartferkeap foar “Tiid fan libjen” iepen.
De foarstellings binne op 30 en 31 augustus, 1, 2, 6, 7, 8 en 9 septimber

“Tiid fan libjen” spilet him ôf by

Boubedriuw Albada
Jurisdictie 5
Stavoren

De foarstelling is bûtendoar. It kin jûns, sa flak by it Ysselmar aardich ôfkuolje. We advysearje om je waarm oan te klaaien.

De foarstelling “Tiid fan libjen” wurdt spille troch:

Neist de spilers en sjongers meitsje dizze meiwurkers dizze foarstelling mooglik:

De folgjende ynstaansjes en bedriuwen ha it mooglik makke dizze foarstelling te spyljen:

* Bouwbedriuw Albada yn Starum